亞冠：踢法搶韁近況弗震吉達艾阿里半Ｗ再跟_東方日報

今晚亞冠精英盃西亞區賽事，阿爾華達主場迎戰吉達艾阿里。兩隊同樣提早出線，論近況沙特豪門吉達艾阿里贏成條街，近10場贏足9場，單計亞冠賽事近5場有4次半場領先；阿聯酋球隊阿爾華達防線欠穩頂唔到幾耐，直取吉達艾阿里半場客勝。（HOY TV 76台周一晚上9時45分直播）文:Mic少

阿爾華達屬於阿酋職前列球隊，不過踏入2026年後表現持續低沉，當中近5場賽事僅獲1勝，最離譜係早前出戰阿聯酋總統盃8強，主場踢到加時不敵第2級別聯賽球隊杜拜聯FC，爆冷被淘汰出局。單計法定時間，阿爾華達近4場合共失咗6粒，包括近2仗都係開賽14分鐘內就失守，球員集中力明顯不足，遇上攻力強勁嘅吉達艾阿里，預料上半場好大機會落後。

艾雲東尼近10場轟14粒
吉達艾阿里近況弗到震，近10仗除聯賽踢和榜首希拉爾0比0之外，其餘9場全部贏晒，包括擊敗另一勁旅艾納斯。佢哋目前最強武器一定係艾雲東尼，呢位英格蘭國腳近10次上陣狂轟14球及4次助攻，上輪亞冠盃大炒SC艾索達5蛋，艾雲東尼都交出1入球及2次助攻，可見呢位神鋒嚟到亞洲球壇，簡直係大超班，加上仲有馬列斯、加連奴、安素米洛特及基斯爾等猛將，足以迅速攻破阿爾華達大門，半場客勝屬穩陣之選。