歐聯：ＰＳＧ兩將再領黃即停賽紅軍主場誓再創S級奇迹_東方日報

今晚歐聯8強次回合，希望絕地反擊嘅唔止巴塞隆拿，英超勁旅利物浦亦希望借用晏菲路威力，收復首回合作客0比2輸畀巴黎聖日耳門（ＰＳＧ）嘅失地。「紅軍」以往曾多次創造奇迹，今場主勝睇高一線。（Now 643周三凌晨3時直播）文:工廠仔

利物浦今季踢歐聯仍然保持水準，尤其喺晏菲路球場出擊，威力依然強勁，今屆5場歐聯主場有4勝，包括擊敗兩支8強分子皇家馬德里同馬德里體育會。利物浦上場聯賽贏富咸2比0，前5位置變得更穩陣，依家專注搏埋呢場生死戰。利物浦過去喺歐聯創造過唔少奇迹，05年歐聯決賽對ＡＣ米蘭，半場輸0比3下追番3比3再射贏12碼捧盃；19年歐聯4強首回合吞巴塞隆拿3蛋，次回合喺晏菲路奇迹贏4比0晉級。

ＰＳＧ兩將再領黃即停賽
衞冕嘅ＰＳＧ首回合佔盡優勢，若非把握力差唔止贏2球，今場作客心態上會避重就輕，因為就算小敗1球亦都可以晉級，基華拉斯基利亞同紐奴文迪斯亦要小心唔好拎黃牌，以免累積黃牌停賽，未必可以發揮出平時水準，今場博主勝好路。