西班牙盃決賽：馬體會搶盃蘇哥利_東方日報

西班牙盃決賽，馬德里體育會同皇家蘇斯達喺中立場塞維利亞奧林匹克體育場交鋒，馬體會周中歐聯淘汰巴塞隆拿晉級4強，士氣高昂，當然要食住個勢奪取西盃冠軍。加上馬體會屬於「皇蘇剋星」，雙方近7次正式賽事碰頭，馬體會取得5勝2和，主勝值得追捧。

（周日凌晨3時開賽）

艾華利斯狀態弗爆
馬體會西甲前4位置穩陣，可以集中力量爭歐聯及西盃，射手祖利安艾華利斯狀態勇猛，今季各項賽事已有18球進帳及9次助攻，加上阿歷山大索洛夫、基利安奴施蒙尼都具備優秀入波能力，足以攻陷皇蘇防線。

皇蘇後防不穩，上場西甲對護級球隊艾拉維斯都失3球，遇上鋒線人才濟濟嘅馬體會，更加無力招架。事實上，皇蘇上月聯賽以2比3不敵馬體會，短時間內再交手，預料戰局唔會有太大變化，皇蘇難逃再敗。